Gentian Hilla, ish-shefi i Policisë që don të bëhet deputet

KRUJË– Gentian Hilla, një profesionist me mbi 23 vite përvojë në shërbim të rendit dhe sigurisë, shpall kandidaturën për deputet në Qarkun Durrës, në Bashkinë e Krujës. Me një karrierë të gjatë dhe të suksesshme në Drejtorinë e Përgjithshme të Policisë së Shtetit, ai angazhohet të sjellë një frymë të re ndryshimi dhe zhvillimi për komunitetin lokal.

“Në këto mbi dy dekada kam qenë në shërbim të qytetarëve, duke punuar me përkushtim për mbrojtjen e individëve dhe shoqërisë. Kam mbajtur pozita drejtuese të nivelit të lartë dhe kam bashkëpunuar ngushtë me partnerët ndërkombëtarë të sigurisë,” u shpreh Hilla.

Gjatë karrierës së tij, ai ka ndjekur trajnime të shumta jashtë vendit dhe ka marrë pjesë në hetime ndërkombëtare të suksesshme, duke ndërtuar një profil të lartë profesional në fushën e rendit publik.

Duke kandiduar për deputet, Hilla thekson se synon të ofrojë zgjidhje konkrete për sfidat me të cilat përballen banorët e zonës. “Përvoja ime në sektorin e sigurisë dhe përkushtimi për përmirësimin e kushteve të jetesës më japin besimin për të qenë zëri i qytetarëve në Kuvend. Jam i angazhuar për një të ardhme më të mirë për çdo individ dhe komunitet në Krujë,” përfundon ai.

Me këtë kandidaturë, Gentian Hilla synon të sjellë një qasje të re në politikë, duke u mbështetur në integritetin profesional dhe dëshirën për të kontribuar realisht në jetën e përditshme të qytetarëve.

 

View this post on Instagram

 

A post shared by Hilla Gentian (@gentianhilla)