I FUNDIT/ Përndoqi të miturën, Policia arreston 27-vjeçarin e shpallur në kërkim nga Gjykata Krujës

LEZHË– 2 persona nga Kruja janë arrestuar ditën e sotme nga Policia e Lezhës pasi ishin shpallur në kërkim për vepra të ndryshme penale.

Policia arrestoi shtetasin Emiljan Nikolli, 27 vjeç, banues në Mamurras, i dënuar më parë për vjedhje me armë dhe armëmbajtje pa leje. Për këtë shtetas, Gjykata e Rrethit Gjyqësor Krujë, me vendimin e datës 22.07.2022, ka caktuar masën e sigurisë “Arrest në burg”, për veprën penale “Përndjekja”, pasi dyshohet se ka përndjekur një shtetase të mitur;

Gjithashtu, Policia arrestoi shtetasin Agron Dani, 30 vjeç, banues në Krujë. Gjykata e Rrethit Gjyqësor Krujë, me vendimin e datës 27.07.2019, i ka caktuar këtij shtetasi, masën e sigurisë “Arrest në burg”, për veprën penale “Kultivimi i bimëve narkotike”, pasi dyshohet se ka kultivuar bimë narkotike, në zonën e Krujës.

Të ndaluarit iu dorëzuan shërbimeve të Komisariatit të Policisë Krujë, për veprime të mëtejshme procedurale.