34-vjeçari u gjet i pajetë në Fushë-Krujë, dalin detaje të reja: Familjarët e panë në kanal

KRUJË– Detaje të reja kanë dalë nga gjetja e pajetë e 34-vjeçarit në lagjen “Bakishe Visha”, Fushë-Krujë, në një rrugë dytësore.

Sipas burimeve për Report Tv, 34-vjeçari është gjetur në një kanal nga familjarët.

I pajetë është gjetur shtetasi Indrit Ndoj, 34-vjeç, banues ne fshatin Hasan, Krujë.

Nga këqyrja paraprake, është konstatuar se 34-vjeçari ka një dëmtim në këmbë që dyshohet të jetë shkaktuar nga armë zjarri.

Në vendin e ngjarjes ndodhet grupi hetimor dhe nën drejtimin e Prokurorisë pranë Gjykatës së Rrethit Gjyqësor Krujë vijon puna për sqarimin e rrethanave të ngjarjes.