Ushtria ruse njoftoi një korridor të sigurt për civilët ukrainas që duan të largohen nga kryeqyteti Kiev.
“Ne i bëjmë thirrje popullit të Kievit. Të gjithë civilët në qytet, mund të largohen lirisht nga kryeqyteti i Ukrainës përgjatë autostradës Kiev-Vasilkov. Kjo rrugë është e hapur dhe e sigurt”, tha në një deklaratë gjeneralmajor Igor Konashenkov, zëdhënësi i Ministrisë ruse të Mbrojtjes.
“Edhe një herë dua të theksoj se forcat e armatosura të Federatës Ruse, godasin vetëm objektivat ushtarake. Popullsia civile nuk është në rrezik”.
Të paktën 352 civilë në Ukrainë janë vrarë që nga fillimi i pushtimit, duke përfshirë 14 fëmijë, sipas Ministrisë së Brendshme të Ukrainës. Autoritetet ukrainase kanë akuzuar forcat ruse se kanë shënjestruar infrastrukturën civile, duke përfshirë ndërtesat e banimit dhe shkollat.
"Bazuar në Ligjin Nr.35/2016 “Për të drejtat e autorit”, ndalohet kopjimi, riprodhimi dhe publikimi i informacionit pa cituar burimin e tij."