Si në filma/ Policia ndjek dy të rinjtë me makinë të cilët ikën drejt Fushë-Krujës! Ato shkaktojnë aksident dhe largohen

TIRANË- Një ndjekje si në filma ka ndodhur në orët e para të mëngjesit të sotëm midis Policisë dhe dy të rinjve.

Sipas Policisë, në Qafë-Kashar, shërbimet e Policisë i kanë bërë shenjë ndalimi një mjeti, i cili nuk ka ndaluar dhe është larguar në drejtim të Fushë-Krujës.

Në tentativë për t’u larguar nga Policia, në Fushë-Krujë, mjeti është përplasur me një bordurë. Personat që ndodheshin në mjet, kanë dalë dhe janë larguar, duke braktisur mjetin.

Pas verifikimeve nga Policia, targat e mjetit rezultojnë të vjedhura disa ditë më parë. Grupi hetimor po punon për identifikimin dhe kapjen e autorëve dhe sqarimin e rrethanave të ngjarjes.

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.