Policia e Shtetit shoqëron Ramazan Rrajën, i ati: Të faktohet nëse është i fajshëm

TIRANË– Policia e Shtetit ka ndaluar dhe shoqëruar ditën e sotme Ramazan Rrajën, nipin e deputetit të Partisë Socialiste në Krujë, Rrahman Rrajës.

Policia po ushtron kontrolle në Qafë-Kashar, ku “pre” ka rënë edhe Rraja, i cili po lëvizte me një makinë të blinduar.

Deri tani janë bllokuar tre automjete për të cilat po kryhen verfikime.

Babai Ramazanit, Xhelal Rraja në një prononcim për gazetarët para Drejtorisë së Policisë u shpreh se nuk ka dijeni se pse djali i tij është shoqëruar.

Rraja pohoi se djali i tij lëviz me një makinë të blinduar, por kjo nuk është arsye që ai të ndalohet.

“Edhe kur ka qenë drejtor police ka marrë rrogë dhe i vjen rruga në shtëpi. Ajo ngjarje është vazhdim i kësaj që po them shpifje. Është sqaruar ka dhënë dëshmi janë verifikuar gjërat dhe nuk është asgjë e vërtetë. Nëse djalit tim do to faktohet gjëja më e vogël ai të përgjigjet. Nuk është në kërkim policor. Ka dy orë që rri këtu dhe nuk më ka sqaruar njeri se pse është shoqëruar. Është e vërtetë që lëviz me makinë të blinduar pse duhet të ndalohet për lëvizje më makinë të blinduar. Makinën e kam unë me letra.”- u shpreh Xhelal Rraja.