Policia arreston një 17-vjeçar për ekzekutimin në oborrin e shtëpisë të 65-vjeçarit në Lezhë! Dyshohet për hakmarrje

LEZHË- Është ekzekutuar me armë zjarri një 65-vjeçar mesditën e sotme në fshatin Manati në Lezhë.

Policia e Lezhës ka neutralizuar dhe vënë në pranga autorin e ngjarjes i cili është 17-vjeçari me iniciale F.P..

17-vjeçari, rreth orës 12:00, në rrethana ende të paqarta dyshohet se vrau me armë zjarri shtetasin L. L., 65 vjeç, banues në Manati, dyshohet për motive hakmarrjeje.

Shërbimet e Policisë kanë sekuestruar dhe armën zjarrit pistoletë me të cilën dyshohet se 17-vjeçari kreu krimin.

Grupi hetimor ndodhet në vendngjarje dhe vijon punën për sqarimin e rrethanave të ngjarjes.