Ministrja e Financave: Me marrëveshjen e re, Fushë-Kruja do të ketë 24 orë ujë

TIRANË– Qeveria Rama ka firmosur ditën e sotme marrëveshjen për financimin e ujësjellësit të qarkut Durrës, i dyti qark më i madh në vend.

Marrëveshja u nënshkrua në ambientet e kryeministrisë ndërmjet Qeverisë Shqiptare dhe Agjencisë Franceze të Zhvillimit, me sekretaren franceze të Shtetit për Çështjet Europiane, Laurence Bonne. Franca do të japë 60 mln euro kredi dhe 1 mln euro grant për asistencë.

Ministrja e Financave dhe e Ekonomisë, Delina Ibrahimaj tha se kjo të të ndihmojë që qarku i Durrësit, të ketë 24 orë ujë.

“Do kontribuojë në synimin për ujë 24 orë dhe do ndihmojë në zonën e Fushë Kuqes dhe Fushë Krujës”, tha Ibrahimaj.

Pak kohë më parë, u nënshkrua marrëveshja ndërmjet Bashkive Durrës, Kavajë, Shijak, Krujë, Rrogozhinë dhe Ministrisë së Infrastrukturës dhe Energjisë, për ti kaluar kësaj të fundit ndërmjarrjen e Ujësjellës Kanalizimeve.

Nga kjo marrëveshje, Ministria e Infrastrukturës dhe Energjisë, do të jetë aksionere me 51 përqind. Furnizimi me ujë ka qenë një problem i thkesuar për Bashkinë Krujë, ku në një prezantim të fundit nga Kryebashkiaku Artur Bushi, u theksua se ende ka nevojë që të investohet për të pasur ujë në zonat e thella dhe 24 orë në ditë.