Jo vetëm aksi Krujë – Fushë Krujë, edhe rruga Fushë Krujë – Milot drejt degradimit

KRUJË– Autostrada Fushë Krujë-Milot pavarësisht rëndësisë që ajo ka, dhe fluksit të lartë të mjeteve që kalojnë çdo ditë aty, gjendja e këtij aksi është e mjerueshme.

Asfalti në shumë pjesë është amortizuar, ndërsa për kilometra të tëra autostrada është vetëm dy kalimshe çka e vështirëson lëvizjen e automjeteve.

Sipas Ora News, asfalti është çarë, ndërsa edhe barrierat mbrojtëse mungojnë në shumë pjesë të saj.

Edhe pse quhet autostradë,  dhe në të kalojnë çdo ditë mijëra automjete, në kilometra të tëra ajo është vetëm me dy kalime.

Pavarësisht disa ndërhyrjeve të pjesshme vitet e fundit, asnjë zgjidhje efektive nuk është gjetur për këtë autostradë për ta bërë të mundur funksionalitetin e saj.