I FUNDIT/ Aksident i rëndë në Krujë! Ndërron jetë një shtetas, 3 të tjerë të bllokuar

KRUJË- Një aksident i rëndë me pasojë vdekjen e një personi ka ndodhur mbrëmjen e sotme në aksin rrugor Thumanë-Fushë Krujë.

Policia bën të ditur se një automjet me drejtues shtetasin D. A., është përplasur me automjetin me drejtues ende të paidentifikuar.

Si pasojë e përplasjes ka ndërruar jetë shtetasi me iniciale D.A..

Viktima mësohet se ka ndërruar jetë pasi ka mbërritur në spitalin e Traumës. Ndërkohë që 3 shtetasit e tjerë që mbetën të bllokuar janë nxjerrë pas më shumë se 2 orësh.

Mësohet se është dashur që makina të pritet përgjysëm që të bëhet e mundur nxjerrja e trupave.