I FUNDIT/ 32-vjeçarit nga Kruja i vjedhin makinën në një gomisteri

SHIJAK– Një 32-vjeçar ka denoncuar ditën e djeshme në Polici vjedhjen e makinës nga persona ende të paidentifikuar.

Policia njofton se në Komisariatin e Policisë Shijak, ka kallëzuar shtetasi D. V., 32-vjeç, banues në Krujë, se në një gomisteri, në autostradën Tiranë-Durrës, 2 persona, ende të paidentifikuar, i kanë marrë me dhunë, automjetin e tij tip “BMW”, dhe janë larguar.

Vijon puna për identifikimin dhe kapjen e autorëve. Materialet i kaluan Prokurorisë, për veprime të mëtejshme.