Hap dyert salla e re në Pallatin e Kulturës në Krujë; merr emrin “Ramiz Kovaçi”

KRUJË– Është inauguruar mbrëmjen e djeshme salla e re në Pallatin e Kulturës “Ibrahim Bërdaku”, në Krujë.

Një mbrëmje muzike që mungonte në qytet prej 2 dekadash, riktheu artistë vendas të mirënjohur në skenën e sallës që do të mbajë emrin “Ramiz Kovaçi”.

Kjo sallë u rehabilitua pas dëmtimeve që pësoi nga tërmeti i 26 nëntorit 2019.

Investimi për rehabilitimin e Pallatit të Kulturës, ka kapur vlerën e 26.7 milionë lekëve dhe pritet të rigjallërojë jetën artistike të qytetit.