EMRI/ Ky është 33-vjeçari i arrestuar nga Policia e Krujës

KRUJË– Policia e Krujës në bashkëpunim me Interpol kanë finalizuar operacionin e koduar “Vendndodhja”, si rezultat i të cili u arrestua një 33-vjeçar i shpallur në kërkim ndërkombëtar.

Si rezultat i këtij operacioni u bë kapja dhe arrestimi provizor, me qëllim ekstradimin drejt Italisë, i shtetasit E. Sh., 33 vjeç, banues në Bubq, Krujë.

Gjykata e Avelinos, Itali, ka caktuar ndaj 33-vjeçarit, masën e sigurisë “Arrest në burg”, për veprën penale “Vjedhja”, me pasoja të rënda, të parashikuar nga Kodi Penal i Italisë.

Materialet i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme. Në bashkëpunim me ZQK Interpol Tirana, vijon puna për ekstradimin e shtetasit E. Sh., drejt Italisë.