Aksidenti tragjik të Krujë, dalin emrat e 4 viktimave! Mes tyre një vajzë 16-vjeçare

KRUJË- Kanë dalë emrat e 4 viktimave të aksidentit tragjik të ndodhur pak pas mesnate në aksin rrrugor Fushë Krujë- Milot.

Policia njofton se rreth orës 00:15, një automjet me drejtues shtetasin Alfred Dika, 39-vjeç, është përplasur me automjetin me drejtues shtetasin Artan Alushi, 30-vjeç.

Si pasojë e përplasjes kanë ndërruar jetë të dy drejtuesit e mjeteve dhe dy pasagjerët, shtetasit Shkumbin Brati, 20-vjeç, dhe Almenia Karaj, 16-vjeçe, që ndodheshin në automjetin që drejtonte shtetasi Artan Alushi.

Gjithashtu, është dëmtuar shtetasja R. H., 34-vjeçe, pasagjere në automjetin që drejtonte shtetasi Artan Alushi. e cila ndodhet në spital nën kujdesin e mjekëve, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit.