Aksidenti në Krujë, dalin emrat e të plagosurve! Nisen me urgjencë drejt spitalit të Traumës

KRUJË– Një aksident ka ndodhur mesditën e së martës rreth orës 12:30, në fshatin Gramëz, Krujë.

Burime për Kruja.info bëjnë të ditur se si pasojë e humbjes së kontrollit të drejtimit të mjetit nga drejtuesi shtetasi Kledjan Vathi, 26-vjeç, automjeti është përplasur me një shtyllë elektrike.

Nga përplasja e automjetit me shtyllën, është dëmtuar drejtuesi i automjetit dhe pasagjerja shtetasja Flora Vathi, të cilët ndodhen nën kujdesin e mjekëve në spitalin e Traumës.

Grupi hetimor ndodhet në vendngjarje dhe po punon për sqarimin e rrethanave të aksidentit.