21-vjeçari me origjinë nga Kruja qëllon bashkëshorten me armë dhe më pas vret veten
Emiranda Bajrami
1 min read
21-vjeçari Oltjon Sallaku dhe bashkëshortja e tij marokene Lamia Elambri.
ROMË– 21-vjeçari Oltjon Sallaku, me origjinë nga Kruja, ka qëlluar me armë zjarri bashkëshorten e tij dhe më pas ka vrarë veten.
Ngjarja ka ndodhur një natë më parë në Cassano delle Murge, në Bari të Italisë, transmetojnë mediat italiane. Sallaku e qëlloi bashkëshorten e tij marokene, Lamia Elambri, dhe pasi kujtoi se i kishte marrë jetën, u vetëvra duke qëlluar veten me armë zjarri në kokë.
Por, Elamri mbijetoi dhe ndodhet në spital, jashtë rrezikut për jetën. Çifti ishin prindër të një vajze 2-vjeçare, e cila në momentin e ngjarjes ndodhej në shtëpinë e gjyshes.
"Bazuar në Ligjin Nr.35/2016 “Për të drejtat e autorit”, ndalohet kopjimi, riprodhimi dhe publikimi i informacionit pa cituar burimin e tij."
